رواية وريثة دراكولا الفصل الثالث عشر 13 بقلم رشا منصور
#الجزءالثالث_عشر
#وريثة_دراكولا
عدنان…
انتظرت فى غرفتي لكن الفضول هيقتلني' عاوز اعرف ازاى ابويا هيقابل الملك صفوان من غير ما حد يشوفه
وبعد حوالي ساعه لقيت الباب بيخبط استغربت لأن الوقت متأخر جدااا وقربنا ع شروق الشمس
فتحت الباب لقيت ابويا الملك شركان قدامي وقالي تعالي ورايا ….
روحت وراه وأنا مش فاهم حاجه ودخلني غرفته الخاصه وقالي كنت متأكد أنك مش هتعرف تنام إلا لما تفهم ع العموم جه الوقت اللى أعرفك السر'
ولقيته فتح الدولاب وقالي تعالي ودخلني من باب سري' موجود خلف الدولاب بيتفتح ببصمة الايد
ولما دخلت نزلت سلم طويل وبعدها مشيت بداخل ممر. وبعد مسافه لقيت ترابيزة وكراسي وكاسات ونبيذ
نظرت له بأستغراب قالي اقعد وأنا هعرفك كل حاجه لكن توعدنى ان الكلام ده يفضل سر. بينا
وفضل يحكيلي من بدايه الصداقة بينه وبين الملك صفوان منذ الصغر لحد المعاهدة ورشدان وفواز وأنهم السبب فى وضع القوا'نين وافتراق ابويا عن الملك صفوان
وطلب مني أكون مسئول' عن حمايه. مروان إبن صفوان
وعرفني العنوان وقالي خلي بالك رشدان ومجموعه الذئاب' الحمراء عرفوا مكان بنته وبيدوره عليه فى كل مكان
ولازم تحافظ عليه ومن غير ما حد يعرف بوجوده
قولت له اعتبرني الحا'رس الشخصي له
وخرجنا من السرداب' السري. وروحت أوضتي ومقدرتش أنتظر لحد يوم المعركة وخرجت من القصر من غير ما ألفت نظر حد من الحر'س
وأول ما وصلت المنطقة فضلت الف حوالين الشوارع اطمن ان مافيش حد من الذئاب' الحمراء موجودة
بعدها طلعت الأدوار لحد ما شميت ريحة د'م قو'ية قولت أكيد دى شقة مروان
وأول ما رنيت جرس الباب سمعت حركة خفيفة خمنت أنه بيستعد للهجو'م
قولت بصوت يشبه الهمس أنا عدنان جاى بطلب من الملك صفوان …. بعد لحظات
اتفتح الباب ورحب بيا مع وجود الحذر' قولت له أبويا ياما حكالي عن الملك صفوان وأنهم أصحاب من زمان ولولا المعاهدة يمكن كنا بقينا أصحاب
قالي أنا عرفك يا عدنان وشوفتك فى فرنسا قبل كدا وفعلا لولا القو'انين كان زمان حاجات كتير اختلفت
بس ابويا قالي أنك هتنتظر بعد يومين عند الحدود علشان كدا استغربت وجودك أول ما وصلت
قولت له وأنا أبويا قالي ان الذئاب' الحمراء ورشدان بيبحثوا عنك ولقيت من الأمان. أنك تكون معايا من دلوقتي قبل ما حد منهم يوصلك يلا بينا بسرعه وفعلا اخدته ونزلنا
فريدة….
ياااااه مش بحس بالراحة إلا فى بيتي مهما سافرت وزورت أماكن مافيش أحلي من سريري إلا برتاح عليه
وابتديت أفرج فيروز ع الشقه وفتحت لها البلكونة ووريتها النيل ولقيتها بتضحك وبتشاور بايدها مع ان مافيش حد واقف وفى طريق سيارات وبعد كدا الكورنيش ده غير اني فى طابق مرتفع قولتلها بتشاوري لمين أنا مش شايفه حد
لمست خدى وشوفت صورة شهاب صديق مروان
ضحكت وقولتلها صاحب ابوكي ده جذاب آوى لولا أنه شكله صغير كنت اتجوزته😂😂
فواز….
فضلت اتتبع ريحة دم' مروان لحد ما لقيت الوقت اتأخر قولت لهم زمان الملك سأل عليا لازم ارجع المملكة حالا
وأول ما وصلت المملكة عرفت ان الملك سأل عليا وطلب يشوفني أول ما اوصل
روحت للقاعه الكبيرة وأول ما شوفت الملك واديت التحية سألني كنت فين
قولت له كنت ببحث عن اسلحة" جديدة علشان الحر'ب لقيته قالي
ليه هو مروان إبني وشهاب مش عاجبينك ولا انت عينت نفسك قائد" وبقيت تحدد نوع الاسلحة" وتقرر بنفسك
ولسه هتكلم لقيته طلب الحر'س وقال لهم خدوا ودخلوا السجن" حالا يتحبس" علشان يبقي يعرف حدوده بعد كدا
حاولت أتكلم لكن منعني وخدوني ع الحبس…
وبقيت هتجنن. عاوز أعرف رشدان اللى حصل ليا علشان يتصرف ويبلغ الذئاب' الحمراء أحسن دول الغدر' فى دمهم' ولو افتكروا إني خلعت' من العملية' دى هيصفوا د'مي نقطة نقطة وياكلوا لحمي مشوي تحت أشعة الشمس
بس أعرفهم ازاى… فضلت أفكر لحد ما افتكرت البومة فضلت اصفر لها بس اجيب منين ورقه وقلم
ناديت ع الحا'رس قولت له عاوز أكتب التماس' للملك وجواب ل بنتي وطبعا كان رافض
بس كتر الزن زهقوا مني وفعلا جابوا ل ورق وقلم بس قالولى مش هناخد منك الجواب إلا لما الملك يوافق الأول …
قولت لهم موافق ده أنا خدام الملك
وكتبت الآتي
احذر' تم وضعي فى الحبس' بلغ كل أصحابنا. .
ووضعت الرساله فى رجل البومة وكدا أنا فى الأمان….
الملك صفوان….
كنت عارف ان ممكن يحاول يعمل اى حاجه علشان يعرفهم أنه محبو'س وكان يهمني أعرف مين تاني من رجالتي خا'ين
لكن لقيت البومة عرفت ان مالوش حد هنا..
وبعد ما شوفت البومة طائرة بالرسالة رميتها بالسهم' واخدت الرسالة وبعد ما قرأتها نزلت للحجز' ورميت الرسالة فى وشة وقولت له أنا هسيب خيالك يسرح. وتتخيل ممكن أعمل فيك إيه ولا اسيبك للذئاب' الحمراء 😂😂😂
وسيبته بعد ما وشه جاب ألوان وأمرت الحر'س ان الشباك بتاع الحجز' يفضل مفتوح طول فترة شروق الشمس
خليه طول اليوم مركون جنب الباب مش خا'يف ينام أحسن ينشوي' ….
علشان يبقي يدل الذئاب' ع طريق إبني وحفيدتي
سعاد….
طول اليوم حاسة إنى متراقبة' مع أني مش شايفه حد قررت ابعت رساله ل فريدة وكتبت فيها …
"فى ناس كتير متابعة الفساتين خا'يفه أحسن ملحقش فستان أسافر به"
وبعد ساعه ردت عليا وكتبت الفساتين كتير وفي كل مكان المهم إختيار المناسب للزمان والمكان
عملت لايك ع رسالتها علشان تعرف إني فهمت قصدها واتصلت بشركة شحن تنقلي الشنط ل مصر.
وقررت إني أسافر قبل ما النتيجة ما تظهر وفضلت أدور فى مواعيد الطيران لحد ما لقيت رحلة ل الأردن' قولت حلو علشان لو حد بيرا'قبني ميعرفشي أني نازلة مصر
وطبعا مقولتش لحد بالعكس قولت للكل مجرد ما العرض يخلص هعمل لهم فسحة ورحلة ترفيهيه
مروان….
أنا أعرف عدنان لكن أول مرة أتعامل معاه وواضح أنه شخصية لطيفة وصمم إني أنزل معاه لان وجودى خطر' عليا وهو عنده حق معني ان رشدان وصل للاتيلية اللي قدام العمارة سهل جدا يوصلي وأول ما غيرت ملابسي واخدت الهدوم اللى هو جايبهالي حسيت إنى ريحتي بقت مختلطة مصا'ص د'ماء ع ذئاب'
ونزلت معاه وأول ما طلعت الشارع لقيت مجموعه كبيرة من البشر بتهاجمنا وسمعت عدنان بيقولي أجري بسرعة لكن محستش بنفسي غير وأنا بفقد الوعي….
وأول ما فوقت لقيت نفسي فى مكان مظلم' ولولا ان حاسة البصر قويه عند مصا'صي د'ماء مكنتش شوفت كف ايدي
الغريب إني مش شامم اى ريحة غريبة
ومش سامع اى حاجه ياتري مين اللى خطفو'ني وفين عدنان …
حاولت أتواصل مع أبويا مش عارف … فجأة لقيت ورقة كبيرة متعلقة ع الجدار. مكتوب فيها عندك أكياس دم' اشرب منها خلال هذه الأيام وبدء ضوء كشاف ينور
لكن المكان خالي تماما ياتري هيعملوا فيا إيه😔 كويس ان فيروز سافرت ياريت تعيش فى امان'
كانت يتيمة الأم وغالبا هتكون يتيمة الأب كمان
رشدان….
كنت بلف أنا ومجموعة من الذئاب' الحمراء وفجأة شميت ريحة عدنان هي الريحة بعيدة شويه لكن مميزة أقدر أعرفها من ع بعض قررت أقرب بحذر' علشان أعرف هو فى أرض البشر بيعمل إيه وأول ما قربت شوفت😲😲
يتبع….
ياتري مين اللى خطف' مروان ( سعدون ملك الذئاب' الحمراء ولا رشدان )
بقلم #رشامنصور
